O pasado sábado, os nosos alumnos e alumnas do Liceo participaron un ano máis no Día da Ciencia na Rúa, no parque de Santa Margarida. Foi unha xornada intensa e divertida, na que se amosaron diversos experimentos, moi ben presentados e explicados polos rapaces.

Este ano participamos coas seguintes seccións:

• Laboratorio de química,
• Ter chispa mola,
• A ciencia atráeme,
• Reláxate e flota,
• Bicilextric,
• Es o que comes,
• Límpate e limpa o planeta,
• Xogo de xigantes,
• Seguridade vial programada.

Para que todo funcionase foi necesaria a colaboración de moitas persoas do colexio, algúns máis visibles e outros menos, pero todos imprescindibles. Xuntos conseguimos de novo pasar un día estupendo coa ciencia e os alumnos como protagonistas.

Convidámosvos a formar parte deste Equipo do Día da Ciencia na Rúa para o vindeiro curso!