O pasado 22 de marzo a emisora de radio Radio Líder presentou o seu programa de promoción da lingua galega “Fala que fala” dende o salón de actos de Bacharelato do centro. O programa contou coa colaboración de quince alumnas e alumnos de 2º de ESO, quen participaron activamente. Dous grupos da clase de 1º de ESO asistiron como público e incluso algúns deles participaron de forma improvisada durante a emisión do programa.

Durante dúas horas de emisión o programa xirou sobre o idioma galego. Houbo entrevistas, destacando especialmente a do creador de contido Miguel Mandayo, máis coñecido como @Maandayo nas redes sociais; xogos coa lingua, recomendación de artistas, libros e cancións en galego, actuacións musicais improvisadas…

Dende o Liceo queremos felicitar á emisora pola súa iniciativa para potenciar o uso da lingua galega e tamén a Miguel Mandayo. Este último, ademais de falar moi ben mostrouse moi paciente e agarimoso cos rapaces e rapazas asistentes, firmando todos os autógrafos que lle pediron e sacándose fotos cos 15 alumnos e alumnas colaboradores.

Se queredes escoitar o programa completo premede aquí.